Вохӯрӣ дар доираи Ҳафтаи кӯдакон ва наврасон

Душанбе, 29 май.(АМИТ «Ховар»,Фарзона Достонзода).-Дирӯз дар Маркази кӯдакон ва наврасони шаҳри Душанбе вохӯрии сохторҳои марбутаи шаҳрдорӣ, аз ҷумла маориф , тандурустӣ , ҷавонон ,варзиш ва сайёҳӣ, меъморӣ ,нақлиёт, корҳои дохилӣ, прокуратура ва бахши ҳуқуқи кӯдак таҳти роҳбарии муовини раиси шаҳри Душанбе С.Раҳимова бо кӯдакону наврасон, аз ҷумла кӯдакони имконияташон маҳдуд баргузор гардид. Дар ҷараёни вохӯрӣ пеш аз ҳама масъалаи пешгирии ҷинояткорӣ байни ноболиғон ва дигар масъалаҳои вобаста ба таълиму тарбияи насли наврас мавриди баррасӣ қарор дода шуд. Иштирокчиёни вохӯрӣ кӯдакону наврасон бо истифода аз ширкати масъулини сохторҳои шаҳрдорӣ ба саволҳои сершумори худ ҷавобҳои мушаххас ва қонеъкунанда гирифтанд.Ёдовар мешавем , ки «Ҳафтаи кӯдакон ва наврасон» дар асоси Қарори раиси шаҳри Душанбе аз 27 май то 1-уми июни соли 2013 эълон гардида, масъулони баргузории чорабиниҳои он Раёсати маорифи шаҳри Душанбе, бахши ҳуқуқи кӯдаки шаҳри Душанбе, Муассисаи давлатии «Маркази кӯдакон ва наврасони шаҳри Душанбе» ва Созмони талабагони шаҳри Душанбе ба номи Исмоили Сомонӣ мебошанд.«Хафтаи кӯдакон ва наврасони шаҳри Душанбе» то 1- уми июн идома ёфта, дар Рӯзи байналмилалии ҳифзи кӯдакон ҷамъбаст мегардад.