«Маша ва Хирс» рӯи саҳнаи тоҷик омад

Душанбе, 7 январ. (АМИТ «Ховар», Ситора Раҷабова).- Бо ташаббуси Театри академӣ- драммавии русии ба номи Владимир Маяковский намоишномаи «Маша ва Хирс» инак рӯйи саҳнаи театри тоҷик омада, хонандагони муассисаҳои таълимии пойтахт аз аввалин тамошобинони он маҳсуб хоҳанд ёфт.Ин иқдом ҳангоми таътили зимистонаи мактаббачагон, ки аллакай оғоз шудааст, фароҳам оварда шуд.Офарандагони асар бар он назаранд, ки ин гуна намоишномаҳо агар аз як ҷониб дар таъмини фароғати хубу хотирмони мактаббачагон мусоидат кунанд, аз ҷониби дигар дар ҷалби онҳо ба театр нақши сазовор хоҳанд дошт. Тибқи иқдоми пешгирифтаи масъулин чорабиниҳои гуногун то анҷоми таътили мактабӣ идома меёбанд.