Таъмини ҷойҳои нави корӣ дар соҳаи саноати маъдани куҳӣ

Душанбе, 2 январ. (АМИТ “Ховар”, Фарзона Ашӯрмадова).-Тибқи маълумотҳои солонаи соҳаи саноати куҳӣ зиёда аз 8326 нафар бо ҷойи кори доимӣ таъмин гардид.Тавре ки дар ин бора аз Вазорати саноат ва технологияҳои нав хабар доданд, дар соҳаи истихроҷи металлҳои қиматбаҳо 4852 нафар, дар соҳаи металлҳои ранга дар намуди хока 3206 нафар ва дар соҳаи заргарӣ ва коркарди сангҳои ороишӣ 268 нафар бо ҷойи кори доимӣ таъмин гардид, ки ба ҳисоби миёна музди меҳнат дар як моҳ 1587,1 сомониро ташкил мекунад. Гуфта мешавад, ки шумораи ҷойҳои нави корӣ ва барқароршуда дар соли 2013 дар муқоиса ба ҳамин давраи соли 2012 ба ҳисоби умумӣ 1609 ададро ташкил менамояд.