Ҳалокати 10 нафар дар роҳ

     Душанбе, 25.02.2014. (АМИТ «Ховар», Лайло Тоирӣ).- Аз аввали соли равон то имрўз  дар роҳҳои мошингарди ҷумҳурӣ 150  садамаи    нақлиётӣ  ба қайд гирифта шуд, ки дар натиҷаи он  41 нафар ба  ҳалокат расида,  198  нафари дигар бо ҷароҳатҳои гуногун дар беморхона  бистарӣ  гардиданд.
Тибқи маълумоти Раёсати Бозрасии давлатии автомобилии Вазорати корҳои дохилӣ ҳафтаи гузашта- аз 17  то 23  феврал  дар роҳҳои мошингарди ҷумҳурӣ 20 садамаи    нақлиётӣ  ба қайд гирифта шуд, ки дар натиҷаи онҳо 10  нафар ба  ҳалокат расида,  29  нафари дигар бо ҷароҳати гуногуни ҷисмонӣ дар беморхонаҳо  бистарӣ  гардид.