Дурахши истеъдодҳо

Шаҳринав, 13.02.2014. (АМИТ «Ховар», Ҳотами Шариф).-Дар айни ҳол 340 нафар хонанда аз мактабҳои таҳсилоти миёнаи умумии рақами 1, 3 ,4 ,18 ва мактаб-интернати шаҳраки Шаҳринав  дар муассисаи таҳсилоти иловагӣ касбу ҳунар меомӯзанд. Дар муассисаи  мазкур 12 маҳфили гуногун, аз қабили наққошӣ, дӯзандагӣ, техникҳои ҷавон, гулдӯзӣ, бофандагӣ, омӯзиши компютер амал менамояд. Ҳар талабае, ки баъди дарс 5 сол касбу ҳунар меомӯзад, соҳиби шаҳодатнома мешавад. Муассисаи номбурда соли гузашта дар озмуни ҷумҳуриявии «Тирамоҳи заррин»  сазовори ҷои дуюм гардид. Кори созмони талабагӣ дар ноҳияи Шаҳринав нисбатан хуб аст. Мебояд кори ин созмонро дар тамоми ҷумҳурӣ беҳтар кард , зеро  ин созмон метавонад дар таълим ва тарбияи кӯдакону наврасон  саҳм гузорад.