Моҳипарварӣ дар Тоҷикистон рушд мекунад

  Душанбе, 22.02.2014. (АМИТ «Ховар», Муқаддас Темурзода).-Тибқи маълумоти  оморӣ ҳаҷми маҳсулоти моҳипарварӣ дар моҳи январи соли ҷорӣ 1,1 млн. сомониро ташкил дод, ки нисбат ба ҳамин давраи соли гузашта 23,4 % зиёд аст.
  Моҳи январи соли 2014 дар хоҷагиҳои моҳипарварии ҷумҳурӣ сайди моҳӣ 63 тоннаро ташкил намуд. Аз ҷумла, дар хоҷагиҳои вилояти Хатлон 49 тонна, Суғд 10 тонна ва дар шаҳри Ваҳдат 4 тонна моҳӣ истеҳсол карда шуд.
        Хараҷоти истеҳсолии хоҷагиҳо барои парвариши моҳӣ ва корҳои илмию тадқиқотӣ 137,4 ҳазор сомонӣ, аз ҷумла дар хоҷагиҳои вилояти Хатлон — 114,7 ҳазор сомонӣ, Суғд — 5 ҳазор сомонӣ ва шаҳри Ваҳдат — 17,7 ҳазор сомониро ташкил намуд.