Ташкили урдугоҳи зимистона дар Хоруғ

Хоруғ, 06.02.2014. (АМИТ «Ховар», Файз Мирасан).- Барои нахустин бор хонандагони макотиби  шаҳри Хоруғ  таътили  зимистонаро  дар урдугоҳи «Умед»,  воқеъ дар маҳаллаи Чухтхоруғ  пушти сар карданд.
        Ҳудуди сад нафар хонандагони  синфҳои 9-11-и шаҳри Хоруғ 10 рӯзи охири таътили зимистонаро  дар урдугоҳ  гузаронданд. Руслан Шодиков, сардори раёсати ҷавонон, варзиш ва сайёҳии  вилоят гуфт, ки аввалин бор аст  хонандагон дар фасли зимистон ба урдугоҳ  ҷалб мешаванд.  Ба андешаи масъулини урдугоҳ бо мақсади муфид ва самаранок  гузаштани таътили зимистона ин урдугоҳро боз намуданд.
             Урдугоҳи зимистона  то 10-уми январ  идома карда,  он бо ибтикори Раёсати ҷавонон, варзиш ва сайёҳӣ ва  Раёсати маориф ва илми  вилоят  роҳандозӣ шудааст.