«Таъсири ҷирмҳои осмонӣ ва тағйирёбии иқлим»- семинар

Душанбе, 3.02.14 (АМИТ «Ховар», Фарзона Ашӯрмадова).-«Таъсири ҷирмҳои осмонӣ ва тағйирёбии иқлим»- таҳти чунин ном семинарии илмӣ бо иштироки олимону аспирантони дохил ва хориҷи кишвар дар Академияи илмҳои Тоҷикистон доир гардид. 
Дар семинар иштирокчиён мушоҳидаҳои худро роҷеъ ба олами коинот баён намуда, нозуктарин ҳаракату паёмадҳои олами коинотро бо далелҳои илмӣ ва асоснокшуда баррас намуданд. 
Дар чорабинӣ Президенти  АИ ҶТ Фарҳод Раҳимов  бо далелҳои илмии асоснокгардида аз вазъи кунунии ҳарорати иқлим ва  мушкилоти минбаъдаи он маърӯза намуда, иброз дошт, ки бо мушоҳидаву корҳои илмию тадқиқотии олимони ҷаҳон дар як сония массаи сайёраи Офтоб 30 тонна коҳиш ёфта истодааст. Ба гуфтаи мавсуф бисёр хусусият ва паҳлуҳои доманадори  ҷирмҳои кайҳонӣ. ба вежа галактикаҳо (роҳи каҳкашон) омӯхта нашуда, ба омӯзишу пажӯҳиши олимони соҳавӣ эҳтиёҷи зиёд дорад. 
Дар ин бора аз Академияи илмҳои Тоҷикистон хабар доданд.