Таваҷҷуҳ ба соҳаи маориф

Варзоб, 13.02.2014. (АМИТ «Ховар», Ҳотами Шариф).-Соли гузашта 67 нафар омӯзгори ҷавони ҳудуди ноҳияи Варзоб бо қитъаҳои замин барои бунёди хонаи истиқоматӣ таъмин шуд. Дар ин бора сардори раёсати маорифи ноҳияи Варзоб Гулхоним Сафарова иттилоъ дод. Алҳол дар ҷамоатҳои Деҳмалик ва Чорбоғ сохтмони ду мактаби таҳсилоти миёнаи умумӣ идома дорад.
Соли сипаригардида бо маблағгузории Фонди каталикӣ  дар Ҷумҳурии Тоҷикистон  сохтмони бинои нави мактаби рақами 1 дар маркази ноҳия ва мактаби  таҳсилоти умумии рақами 42 дар ҷамоати деҳоти Чорбоғ ба истифода дода шуд.