Тоҷикистон — Эрон: ҳамкории тиҷоратию иқтисодӣ густариш меёбад
Душанбе, 27.02.2014. (АМИТ «Ховар», Кристина Эрлих).- 26 феврал дар шаҳри Душанбе мулоқоти раиси Палатаи савдо ва саноат Шариф Саид бо вакили муваққатии умури Сафорати Ҷумҳурии Исломии Эрон дар Ҷумҳурии Тоҷикистон Сайёд Маҳмуд Садрӣ баргузор гардид.
Тавре ки аз хадамоти матбуоти ПСС ҶТ ба АМИТ «Ховар» хабар доданд, ҷонибҳо дар ҷараёни мулоқот масоили ҳамкории дуҷонибаи тиҷоратию иқтисодии ҳар ду кишварро мавриди муҳокима қарор доданд.
Шариф Саид зимни суханрониаш иброз дошт, ки барои рушди ҳамкорӣ дар соҳаи гидроэнергетика, нақлиёт ва коммуникатсия, истеҳсоли маводи ғизоӣ, дорувор, сайёҳӣ ва дар бахшҳои дигар имкониятҳои зиёде мавҷуданд.
Раиси ПСС ҶТ барои сармоягузорони шахсӣ ҷолиб будани Тоҷикистонро қайд намуда, пешниҳод кард, ки дар ҷумҳурӣ корхонаи муштараки Тоҷикистону Эрон барои тавлиди қолинҳои дастбоф, ҳамчунин маҳсулоти борбандӣ бунёд карда шавад.
Сайёд Маҳмуд Садрӣ ба раиси ПСС барои иттилооти боварибахш изҳори миннатдорӣ карда, зикр намуд, ки барои рушду густариши равобити тиҷоратию иқтисодии байни Эрону Тоҷикистон кӯшиш хоҳад кард.
6 феврал дар якчанд вазорату идораҳо нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
