Вазорати маориф аз 3 то 10-ум таътил эълон кард

Душанбе 3.02.14 (АМИТ «Ховар», Фарзона Ашӯрмадова).-Вазорати маориф ва илми Тоҷистон шуруъ аз 3-юм то 10-уми феврал дар тамоми муассисаҳои таълимӣ бино бо назардошти сардии ҳаво ва боришоти барф, ҳамзамон бо назардошти ҳифзи саломатии таълимгирандагон таътил эълон намуд.
Бино ба иттилои сухангӯи вазорат Маҳмудхон Шоев фармони мазкурро имрӯз вазири маориф ва илми ҷумҳурӣ Нуриддин Саидов имзо намуд. Тибқи фармони мазкур дар тамоми муассисаҳои таълимӣ, новобаста ба шакли ташкилии ҳуқуқиашон  ( томактабӣ, миёнаи умумӣ, ибтидоӣ ва олии касбӣ)  аз 3 то 10-уми феврали соли ҷорӣ таътил эълон гардид.
Гуфта мешавад, ки тибқи ҷадвали мазкур оғози дарсҳо 10-уми феврал дар назар дошта шудааст.