Э. Раҳмон: Пос доштани ойинҳои Наврўз рисолати муҳими миллист

Душанбе, 20.03.2014. (АМИТ “Ховар”, Фарзонаи Давлат).-“Наврўз ва суннату ойинҳои он як бахши муҳимтарини зиндагии мардуми мо аз давраҳои қадим то имрўз мебошад. Аз ин рў, пос доштани Наврўз ҳамчун суннати аҷдодӣ барои ҳар яки мо амри ҳаётӣ ва рисолати муҳими миллӣ мебошад”,- таъкид дошт Эмомалӣ Раҳмон имрӯз, 20-уми март зимни мулоқот бо зиёиёни кишвар. 
Ба гуфтаи Сарвари кишвар тамаддуни ориёӣ ба инсоният ҷашнеро пешкаш сохтааст, ки бар пояи меҳру садоқат ва хираду заковат бунёд шуда, рамзи пирўзии ақлу хирад бар ҷаҳлу зулмат ба шумор меравад.