Нобудсозии маводи мухаддир дар ҳаҷми махсусан калон

Душанбе, 13.03.2014. (АМИТ «Ховар», Некрӯзи Муҳаммадсодиқ).-Имрӯз, 13 март, бо иштироки намояндагони мақомоти судӣ, прокуратура ва дигар мақомоти марбута  дар Корхонаи воҳиди давлатии «Тоҷиктекстилмаш» 722 килограмм маводи нашъаовар  ба тариқи сӯзонидан несту нобуд карда шуд. 
Маводи нашъадор аз рӯи 112 парвандаҳои ҷиноятӣ дар ҳаҷми 722 килою 3878 грамм воситаҳои нашъадор ва моддаҳои психотропиро дар бар гирифта, аз ин миқдор беш аз 43 кило «героин», 319 кило «ҳашиш», 248 кило «бангдонаи хушконидашуда», 11 кило «афюн» ва 105 грамм воситаи психотропии «метадон» мебошад.