Оғози даври ниҳоии Ҷоми ФФТ

Душанбе, 07.03.2014 (АМИТ «Ховар», Ситораи Боймурод).-Дар даври ниҳоии Ҷоми Федератсияи футболи Тоҷикистон, ки аз 10-ум то 19-уми марти соли равон дар майдони сунъии Варзишгоҳи марказии пойтахт баргузор мегардад, ҳафт дастаи лигаи олӣ ва як дастаи лигаи аввал — «Канд»-и Конибодом ширкат мекунанд.  Тавре ки дар ин бора сомонаи Федератсия футболи кишвар хабар додааст, ба гурӯҳи «А» дастаҳои «Хуҷанд» (Хуҷанд), «Истиқлол» ва «Энергетик» (ҳарду аз Душанбе), ба гурӯҳи «Б» дастаҳои «Канд» (Конибодом), «Хайр» (Ваҳдат) ва «Регар-ТадАЗ» (Турсунзода) дохиланд. Ду дастаи беҳтарини минтақаи Хатлон — «Равшан»-и Кӯлоб ва «Панҷшер» -и Румӣ низ ба марҳилаи ниҳоии Ҷоми ФФТ роҳ ёфтаанд.