Тарғиби тарзи ҳаёти солим

Душанбе, 19.03.2014. (АМИТ «Ховар», Зарангези Латиф).- Бо Қарори  аиси вилояти Суғд «Дар бораи баргузории мусобиқаи вилоятӣ барои дарёфти Ҷоми раиси вилоят» моҳҳои апрел- ноябри соли ҷорӣ дар иншооти варзишии шаҳру ноҳияҳои вилоят байни толибилмони мактабҳои таҳсилоти умумӣ, литсей, коллеҷҳо, донишҷӯёни муассисаҳои таҳсилоти олӣ ва миёнаи махсус, корхонаҳо, ташкилоту муассисаҳо, маъюбон, хоҷагиҳои деҳқонӣ ва сокинон мусобиқаҳои варзишӣ оид ба футболи хурд, варзиши сабук, тенниси рӯи миз, шиноварӣ, гӯштини камарбандӣ, волейбол, баскетбол, шашка, шоҳмот ва бадминтон мешаванд.
Тавре ки аз дафтари матбуоти раиси вилоят иттилоъ доданд, қарори мазкур бо мақсади тарғибу ташвиқи тарзи ҳаёти солим ва таъмини оммавияти варзиш ба тасвиб расидааст.