10 бино барои осебдидагони шаҳри Ваҳдат

Душанбе, 22.04.2014. (АМИТ «Ховар, Екатерина  Пасторова). – Хадамоти  давлатии  алоқа 10  бинои бофароғатро мавриди  истифода қарор  дод, ки онҳо  манзури сокинони  аз   заминларза  зарардидаи   шаҳри  Ваҳдат  карда  мешаванд.
Сардори Раёсати  иттилооти Интернет – провайдери «Тоҷиктелеком»  Алибек  Бекназаров  дар  ин  бора ба  АМИТ «Ховар»  хабар  дод. 
Мувофиқи  суханони  манбаъ,  ҳар  бинои нав  дорои  3  ҳуҷра  ва  ошхона буда, масоҳати  умумиаш 120  метри  мураббаъро ташкил  медиҳад. 
Ба  гуфтаи  манбаъ, биноҳои  нав  мутобиқи  қарори Ҳукумати  шаҳри   Ваҳдат дар ихтиёри  сокинони  зарардида  гузошта  мешаванд.