3 ҳазор ҷойи корӣ муҳайё гардид
Душанбе, 17.04.2014. (АМИТ «Ховар», Мавҷуда Анварӣ). -Дар натиҷаи дастгириҳои давлатӣ дар давоми даҳ соли охир дар ҳудуди шаҳри Ваҳдат 39 корхонаи саноатие, ки бо технологияи муосир муҷаҳҳаз аст, таъсис дода шуда, ҳаҷми истеҳсоли маҳсулоти саноатӣ 1,6 баробар афзоиш ёфтааст ва соли 2013 ҳаҷми умумии истеҳсоли маҳсулот ба 66 миллион сомонӣ расидааст.
Дар зарфи се соли охир бо роҳи таъсис додани корхонаҳои нав ва барқарор намудани корхонаҳои аз фаъолият бозмонда қариб 3 ҳазор ҷойи корӣ муҳайё шудааст. Лекин бояд гуфт, ки дар шаҳри Ваҳдат барои рушди соҳибкорӣ, таъсиси корхонаҳои нав ва фароҳам овардани ҷойҳои нави корӣ ҳанӯз имкониятҳои зиёд мавҷуданд.