Дарёфти 6 кило маводи нашъадор

Душанбе, 10.03.2014. (АМИТ «Ховар», Мавҷуда Анварӣ). -Аз ҷониби кормандони шуъбаи ВКД дар ноҳияи Исмоили Сомонӣ ҳамчун гумонбар дар ғайриқонунӣ нигоҳ доштани маводи нашъадор шаҳрвандон Ашрафбеков Азиз Нафасбекович, соли таваллудаш 1993, сокини шаҳри Хоруғ ва Давлатмирзоев Акмал Туйчибекович, соли таваллудаш 1987, сокини ноҳияи Ҳисор дастгир шуданд. Зимни кофтукови шахсӣ аз онҳо 982 грамм маводи сахттаъсири героин дарёфт ва мусодира  шуд.
Ҳамчунин аз ҷониби кормандони шуъбаи ВКД дар ноҳияи Сино-2 бо гумони муомилоти ғайриқонунии маводи мухаддир шаҳрванд Тутишоев Фирӯз Зоиршоевич, соли таваллудаш 1990, сокини ноҳияи Ванҷ дастгир  шуд, ки ҳангоми кофтукови шахсӣ аз ӯ 5 килою 160 грамм маводи нашъадори навъи ҳашиш дарёфт ва мусодира шуд.
Вазни маводи нашъадори дарёфтшуда дар маҷмӯъ  6 килою 142 граммро ташкил медиҳад.
Аз рӯи ин ҳодисаҳо парвандаи ҷиноӣ оғоз гардида, тафтиш идома дорад.