Дурнамои соҳаи сайёҳӣ

Душанбе, 28.04.2014. (АМИТ «Ховар», Раъно Нусратуллозода).-Дар Донишгоҳи давлатии Хуҷанд ба номи академик Бобоҷон Ғафуров бо иштироки донишҷӯён ва масъулини соҳаи сайёҳӣ мулоқоти судманд баргузор гардид.Тавре ки аз Маркази иттилоот ва таҳлили Раёсати донишгоҳ иттилоъ доданд, дар ҷамъомад сардори раёсати сайёҳии Кумитаи ҷавонон, варзиш ва сайёҳии кишвар Шокирҷон Сафаров доир ба аҳамият ва пешрафти соҳаи туризм дар кишвар ҳарф зада, аз ғамхориҳои Ҳукумати мамлакат дар ин самт ёдовар шуд.Инчунин мудири шуъбаи ҷавонон, варзиш ва сайёҳии мақомоти иҷроияи ҳокимияти давлатии шаҳри Хуҷанд Бахтиёр Исматҷонов дар мавзӯи «Рушди туризми ҷумҳурӣ ва аҳамияти он» маърӯза кард. Абдуворис Мингбоев, мудири шуъбаи тарбияи Раёсати донишгоҳ роҷеъ ба аҳамият ва ташкили чунин чорабиниҳо сухан гуфт.Дар фарҷоми вохӯрӣ донишҷӯён доир ба соҳаи туризм саволу дархостҳои худро матраҳ намуданд.