Курсҳои кӯтоҳмуддат ба нафъи кист?

Душанбе, 29.04.2014. (АМИТ «Ховар», Лайло Тоирӣ).-  28 апрел дар Агентии назорати маводи нашъаовари назди Президенти ҶТ бори аввал барои кормандони фаврӣ дар якҷоягӣ бо Дафтари Раёсати СММ оид ба маводи нашъаовар ва ҷинояткорӣ дар Ҷумҳурии Тоҷикистон бо ҷалби Шӯрои собиқадорони агентӣ курсҳои кӯтоҳмуддат оғоз гардиданд.
Тавре ки аз хадамоти матбуоти агентӣ иттилоъ доданд, дар муддати якчанд рӯз собиқ кормандони агентӣ, ки собиқаи 30-солаи кори фаврӣ доранд, кормандони ҷавони раёсатҳои фаврии агентиро ба истифодаи амалии Қонуни ҶТ “Дар бораи фаъолияти фаврӣ-ҷустуҷӯӣ”, талаботи Кодекси ҷиноятӣ ва ҷиноятӣ-протсессуалӣ, инчунин асосҳои ҷиноӣ барои кушодани ҷиноятҳо, усулҳои истифодаи воситаҳои махсуси техникӣ омӯзиш медиҳанд.
Дар интиҳои курсҳо ба кормандони агентӣ сертификатҳо супорида мешаванд.