Муаммоҳои муосири соҳаи сайёҳӣ

Душанбе, 28.04.2014. (АМИТ «Ховар», Зарангези Латиф) .- «Муаммоҳои муосири соҳаи сайёҳӣ»- таҳти чунин унвон 26-уми апрели соли равон дар Донишкадаи соҳибкорӣ ва хизмат семинари ҷумҳуриявӣ баргузор шуд. Дар семинар муовини раиси Кумитаи ҷавонон, варзиш ва сайёҳӣ Руслан Шодиков, масъулини ширкатҳои туристиву муассисаҳои таҳсилоти олӣ, ки кадрҳои соҳаи туризмро тайёр менамоянд, ширкат карда, роҷеъ ба ин мавзӯъ сухан гуфтанд.Ҳадаф аз баргузории семинар андешидани тадбирҳои судманд барои тарғибу ташвиқи захираҳои туристии кишвар, ҳамчунин ҷалби ҷавонон ба соҳа ва дарёфти роҳҳои навини тарбияи кадрҳои соҳаи туризм, алалхусус роҳбаладҳо дар шароити кўҳӣ, масоили қабул ва пешкаш кардани хисматрасонии муносиб ба туристони хориҷӣ маҳсуб меёбад.Дар ин бора аз дафтари матбуоти Кумитаи ҷавонон, варзиш ва сайёҳӣ хабар доданд.