Мулоқоти М. Неъматов бо М. Маракушина

Душанбе, 10.04.2014.(АМИТ «Ховар», Зарангези Латиф).- Фардо, 11-уми апрели соли ҷорӣ, соати 10:00 дар Китобхонаи миллӣ  мулоқоти раиси Кумитаи ҷавонон, варзиш ва сайёҳӣ Маликшо  Неъматов бо муовини директори генералии ширкати “Аргументы и факты” Марина Маракушина, сармуҳаррири ҳафтаномаи “Тоҷикистон” Ҳамдампур Шариф ва директори оҷонсии рекламавии “Тайрон” Шаҳноза Ҳамдамова  сурат мегирад.     
Ҳадаф аз баргузории мулоқот тарғибу ташвиқи захираҳои туристии ҷумҳурӣ буда, мавқеи Тоҷикистонро дар бозори ҷаҳонии туристӣ пурқувват  гардонида,  барои афзоиши ташрифоти дўстдорони сайру саёҳат аз минтақаҳои гуноногуни ҷаҳон мусоидат намудан аст.