Мусобиқаи футбол миёни дастаҳои лигаи олии мамлакат

 
Душанбе, 14.04.2014. (АМИТ «Ховар», Зарангези Латиф).- Дар охири ҳафтаи сипарӣ даври навбатии чемпионати Тоҷикистон оид ба футбол миёни дастаҳои лигаи олии мамлакат оғоз ёфт.
Футболбозони дастаи «Энергетик» — и шаҳри Душанбе бо клуби футболи «Далерон» — и шаҳри Истаравшан дидор намуданд ва бозӣ бо ҳисоби — 1:1 хотима ёфт.
Дирӯз дар варзишгоҳи «20 — солагии истиқлолияти Тоҷикистон»  дастаҳои «Хуҷанд» -и шаҳри Хуҷанд ва «Вахш» — и шаҳри Қӯрғонтеппа миёни ҳам қувваозмоӣ намуданд. Мусобиқа бо ҳисоби 1:0 ба фоидаи дастаи  «Хуҷанд»  анҷом ёфт.
Ба иттилои Федератсияи футболи кишвар бозии «Равшан» (Кӯлоб) — “Парвоз” (Бобоҷон Ғафуров) аз 13-уми апрел ба 7-уми май гузаронида шуд.