Вохӯрии вазири корҳои хориҷии Тоҷикистон бо сафири Япония
Душанбе, 18.04.2014 (АМИТ «Ховар»).- Вазири корҳои хориҷии Ҷумҳурии Тоҷикистон Сироҷидин Аслов Сафири Фавқулода ва Мухтори Япония дар Ҷумҳурии Тоҷикистон Такаюки Коикэро 18 апрел дар Душанбе ба ҳузур пазируфт.
Зимни вохӯрӣ ҷонибҳо роҷеъ ба доираи васеи масъалаҳои густариши минбаъдаи муносибатҳои дуҷониба, алалхусус роҳандозии ҳамкории мутақобилан судманд дар соҳаҳои иқтисодиёт, тиҷорат, кишоварзӣ, нақлиёт, маориф, энергетика ва обтаъминкунӣ мубодилаи афкор намуданд.