Зарари боришоти зиёд ба деҳоти Меҳнатобод
Қӯрғонтеппа, 17.04.2014. (АМИТ «Ховар», Мурод Сотиев).- Дар нимаи дуюми рӯзи 16 апрели соли равон боришоти зиёд сабаби вайрон шудани якчанд хона дар деҳоти Меҳнатободи ҷамоати «Қизил-қалъа»-и ноҳияи Хуросон гардид.
Баъди рух додани ҳодиса гурӯҳи наҷотдиҳандагон ва техникаи зарурӣ ба ҷои ҳодиса оварда шуд. Дар айни замон дар ҷамоати мазкур корҳои барқароркунӣ идома доранд.