Ба ифтихори 600-солагии Абдураҳмони Ҷомӣ
Душанбе, 13.05.2014. (АМИТ «Ховар», Ҳотами Шариф). — Нашриёти «Адиб» шоҳасари Мавлоно Абдураҳмони Ҷомӣ «Баҳористон»-ро бо теъдоди ду ҳазор нусха дастраси хонандагон намуд. Асари мазкур аз гаронмоятарин осори тарбиявӣ-ахлоқии адабиёти ҷаҳону форсизабонон буда, бештар аз 500 сол мешавад, ки дар тарбияи ахлоқи ҳамидаву атвори писандидаи инсоният ҳиссаи сазовор мегузорад. Асари мазкур бо сарсухани адабиётшиноси номдор шодравон Аълохон Афсаҳзод маротибаи чорум интишор ёфт.
Муҳаррири нашри ҳозираи «Баҳористон» мунаққиди шинохта Мубашшир Акбарзод аст.