Баргузории Рӯзҳои фарҳанги Русия дар Тоҷикистон
Душанбе, 13.05.2014 (АМИТ «Ховар», Фарзонаи Давлат).-Аз 25 то 30-юми майи соли равон Рӯзҳои фарҳанги Федератсияи Русия дар Тоҷикистон баргузор мегарданд.
Маросими ифтитоҳи расмии Рӯзҳои фарҳанги Федератсияи Русия дар Тоҷикистон дар Театри давлатии академии опера ва балети ба номи С. Айнӣ доир гашта, дар назар аст дар он аҳли фарҳанги рус расму оин ва маросиму анъаноти хешро ба мардуми тоҷик намоиш диҳанд.
Ҳамчунин дар назар аст меҳмонон аз майдони Парчами миллӣ, Осорхонаи миллии Тоҷикистон, Осорхонаи миллии бостонии Тоҷикистон, Китобхонаи миллии Тоҷикистон ва боғи «Ирам» дидан намоянд.