Кӯмаки Тоҷикистон ба мардуми аз офати табиӣ осебдидаи Афғонистон

Душанбе, 3.05.2014. (АМИТ «Ховар»).-Бо дарназардошти фоҷеаи инсоние, ки дар яке аз ноҳияҳои вилояти Бадахшони Ҷумҳурии Исломии Афғонистон бар асари фаромадани ярч рух додааст ва боиси ҳалокати садҳо нафар мардуми минтақа гардидааст, бо дастури Сарвари давлат мӯҳтарам Эмомалӣ Раҳмон корвони кӯмаки башардӯстона омода гашта, ба минтақаи осебдида дар наздиктарин муддат фиристода хоҳад шуд.Кӯмаки мазкур иборат аз маводи ғизоӣ, асбобу анҷоми рӯзгор, оби нушокӣ ва ғайра аст.Фиристондани ин кӯмаки бародарона як нишонаи дигари чун дарди худ қабул намудани фоҷеаи ба сари ҳамсоягони наздики мо омада аст.