Мизи мудаввари донишҷӯён бахшида ба Рўзи ҷавонон

Душанбе, 21.05.2014 (АМИТ «Ховар», Фарзонаи Давлат).- Бахшида ба Рўзи ҷавонон, ки ҳамасола 23 май ҷашн гирифта мешавад, дирўз дар Донишкадаи забонҳо мизи мудавар таҳти унвони «Қалам гуфто, ки ман шоҳи ҷаҳонам» бо иштироки рўзноманигорон, адибони ҷавон ва муҳассилину омўзгорони муассисаи мазкур баргузор гардид.
Бино ба иттилои Кумитаи ҷавонон, варзиш ва сайёҳӣ, дар чорабинӣ муовини раиси кумита Мавсума Муинова сухан гуфта, ҷавононро барои боз ҳам саҳмгузор будан дар рушду нумӯи кишвар даъват намуд.
Гуфта мешавад, ки дар чорабинӣ донишҷӯёни фаъол вобаста ба мавзӯъ маъруза карда ва ҳамчунин роҷеъ ба осори манзуми адибони форсу тоҷик дар давраҳои мухталиф шеърҳо қироат карданд.