Намоиши филмҳои мустанад дар Маркази фарҳангии «Бохтар»

Душанбе, 16.06.2014. (АМИТ «Ховар», Марҳабои  Азамат). – Аз  16  то  20  июн  дар  Маркази  фарҳангии  «Бохтар» — и  шаҳри  Душанбе  5  филми  мустанад бахшида ба  мубориза бо  вазъи  зиндагӣ дар  кишварҳои  мухталифи  ҷаҳон  намоиш  дода  мешавад. 
«Дар  ҷаҳони  имрӯза, ки ба  ҳам  вобастагии  инсонҳо  назар  ба  давраҳои  гузашта  бештар  ҳис  карда  мешавад,  мардум  бояд аз  мушкилоти  тамоми  ҷаҳон  хабардор  бошанд. Имрӯз мардум  ба  якдигар  робитаҳои  зич  дошта, акнун масофаю  масоҳат аҳамияте  надорад», — гуфт корманди Маркази  фарҳангии  «Бохтар» Амалхонум Ҳоҷиева. 
Хотирнишон  месозем, ки  филмҳои  мустанад  шоми  ҳар  рӯз  соати  19:00  дар  бинои  Маркази  фарҳангии  «Бохтар» намоиш  дода  мешаванд.