Нашрияи расмӣ дар боби алоҳида зикр шуд

Душанбе, 05.06.2014.(АМИТ «Ховар», Марзия Саидзода).-Бори нахуст нашрияи расмии Суди конститутсионии Ҷумҳурии Тоҷикистон дар лоиҳаи Қонуни конститутсионии Ҷумҳурии Тоҷикистон «Дар бораи Суди конститутсионии Ҷумҳурии Тоҷикистон» дар боби алоҳида зикр шудааст,- гуфт зимни баррасии ин лоиҳаи қонуни конститутсионӣ Маҳкам Маҳмудзода -раиси Суди конститутсионии ҷумҳурӣ дар назди вакилони Маҷлиси намояндагон. Мавсуф зикр кард, ки нашрияи расмии Суди конститутсионии Ҷумҳурии Тоҷикистон ҳамчун фаслнома дар як сол чор маротиба мунташир гардида, фаъолияти Суди конститутсионии Ҷумҳурии Тоҷикистонро инъикос менамояд.  Бояд тазаккур дод, ки дирӯз вакилони палатаи поёнии Парлумони Тоҷикистон лоиҳаи қонуни конститутсионии Ҷумҳурии Тоҷикистон «Дар бораи Суди конститутсионии Ҷумҳурии Тоҷикистон»-ро дар таҳрири нав қабул намуданд, ки ҳадафаш татбиқи ислоҳоти судӣ-ҳуқуқӣ дар кишвар буда, теъдоди моддаҳояш аз 63 ба 85 модда расонида шуд. 10.38.