«Саройкамар» — пешсафи лигаи якум

Душанбе, 26.06.2014. (АМИТ «Ховар», Пайрави  Қосим). – Баъди анҷоми  нимаи  аввали мавсими  мусобиқоти  лигаи якум  оид ба  футбол  дастаи  «Саройкамар» дар сафи  аввали  ҷадвали  мусобиқот қарор  дорад.  Футболбозони  ноҳияи  Панҷ дар  вохӯрии охирини  худ  дастаи «Хулбук» — ро  бо  ҳисоби 2:0  мағлуб  сохтанд.
Тавре  ки  аз  Федератсияи  футболи  Тоҷикистон  хабар  доданд,  дастаи  «Кӯктош»  дар  ҷойи  дуввум  қарор  дорад. Футболбозони  дастаи «Кӯктош» — и  ноҳияи  Рӯдакӣ  бо  ҳисоби 1:0  дастаи  «Чашма» — и  Шаҳритусро  мағлуб  сохтанд.
Дастаи  «Пахтакор» — и  Қубодиён  дар  мавсими  соли  ҷорӣ ғалабаи  дуввумро ба даст  овард. Футболбозони  «Пахтакор»  дар  майдони  худ  дастаи «Нури  Норак» — ро  бо  ҳисоби  2:0  мағлуб  сохтанд.
Дастаи  «Панҷшер» -и  ноҳияи  Ҷалолиддини  Румӣ, ки бояд  бо  дастаи «Ҳосилот» — и   «Фархор»  қувваозмоӣ  менамуд,  бе  ягон  сабаби  узрнок  дар  майдон ҳозир нашуд  ва  бо  ҳисоби  0:3  мағлуб   дониста  шуд.