Таъмини корҳои мавсимӣ ба муҳочирони меҳнатии Спитамен
Душанбе,12.06.2014. (АМИТ «Ховар», Лайло Тоирӣ).- Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд дар ҳамкорӣ бо ҶДММ «Умури меҳнати ихтиёрии ҷавонон» ҷиҳати таъмин намудани муҳоҷирони меҳнатӣ бо ҷойи кор дар хориҷи кишвар мусоидат мекунанд. Бино ба иттилои шуъбаи робита бо ҷомеаи Хадамоти муҳоҷират аз рӯи нақша дар доираи ҳамкории Раёсат бо субъекти хоҷагидор санаи 11 июни соли равон 27 нафар муҳоҷирони меҳнатӣ ба Федератсияи Русия сафарбар карда шуданд. Бино ба гуфти сардори ҶДММ «Умури меҳнати ихтиёрии ҷавонон» ҳамаи сафарбаршавандагон сокинони ноҳияи Спитамен мебошанд. Дар асоси шартномаи басташуда онҳо ба муҳлати 11 моҳ дар ноҳияи Дмитровскийи вилояти Москва ба корҳои мавсимӣ машғул мешаванд. Аз ҷониби ҶДММ «Умури меҳнати ихтиёрии ҷавонон» ва ширкатҳои кордиҳандаи Федератсияи Русия ба муҳоҷирон сафари бехатар, ҳимояи ҳуқуқҳои онҳо, ҷойи хоб, истироҳат ва маоши хуб кафолат дода шудааст. Ба расмият даровардани ҳуҷҷатҳои онҳо аз сўи субъекти хоҷагидор анҷом дода мешавад.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
