Қочоқчӣ дастгир шуд
Душанбе, 15.07.2014. (АМИТ «Ховар», Раъно Нусратуллозода).- 15 июл соати 3-и шаб ҳангоми гузаштан аз назорати гумрукӣ дар фурудгоҳи байналмиллалии шаҳри Хуҷанд, шаҳрванд Мирбобоев Мирҷалол Ҳомидович соли таваллудаш 1984, сокини шаҳри Кайроққуми вилояти Суғд аз тарафи кормандони гумрук боздошт шуд. Тавре ки аз Хадамоти гумруки назди Ҳукумати Ҷумҳурии Тоҷикистон иттилоъ доданд, ҳангоми боздошт аз дастаи бағоҷи номбурда 22 адад бастаҳои маводи героин ёфт гардид, ки вазни холиси он 300 граммро ташкил медод.