Суғд: 247 муроҷиат тавассути «Телефони боварӣ»

Хуҷанд. (АМИТ “Ховар” Абдуаҳад Шарифзода).-Шурӯъ аз моҳи маи соли 2012 дар назди ВКД ҶТ дар Суғд телефони боварӣ амал мекунад, ки сол аз сол теъдоди шумораи муроҷиаткунандагон тариқи ин алоқа меафзояд. Тавре ба хабарнигори мо роҳбари маркази матбуоти Раёсати мазкур дар Суғд Акбар Шарипов иттилоъ дод, агар дар тӯли соли 2012 тавассути «Телефонии боварӣ»-и Раёсати Вазорати корҳои дохилаи ҶТ дар вилояти Суғд танҳо 159 нафар ва тӯли соли 2013 520 нафар шаҳрвандон ба арзу дархостҳои гуногун муроҷиат карда бошанд, пас ин рақам танҳо дар 6 моҳи соли 2014 ба 247 адад расидаст. Аз ин шумора; 121 мурочиатхо вобаста ба фаъолияти кормандони мақомоти корҳои дохилӣ, 30 муроҷиатҳо вобаста ба фаъолияти кормандони Хадамоти шиносномавӣ ва бақайдгирӣ; 38 муроҷиатҳо вобаста ба фаъолияти кормандони бозрасии давлатии автомобилӣ; 51 оиди содир намудани ҷиноят аз ҷониби шаҳрвандон; 44 оиди содир намудани ҳуқуқвайронкуниҳои маъмурӣ аз ҷониби шахрвандон; 20 арзу сипосу миннатдори нисбат ба фаъолияти кормандони макомоти милитсия ва ғ қабул шуданд. Бояд гуфт, ки пас аз қабул ва мавриди баррасӣ қарор додани ин муроҷиатҳо, ба муроҷиаткунандагон оид ба натиҷаи он ҷавобҳои хаттӣ ирсол карда шуданд.