“Дарёи сӯзон”- и Фарзона
Душанбе, 2.09.2014. (АМИТ “Ховар”, Ситораи Боймурод).- Бахшида ба 23 — солагии Истиқлолияти Ҷумҳурии Тоҷикистон нашриёти «Адиб» китоби Шоираи халқии Тоҷикистон Фарзонаро таҳти унвони «Дарёи сӯзон» интишор намуд.
Тавре ки дар ин бора хадамоти матбуоти раиси вилояти Суғд хабар додааст, китоби мазкур аз маҷмӯи хотирот ва нигоштаҳои насрии Фарзона иборат мебошад. Дар ин маҷмӯа чанд хотироти муаллиф аз дидору мулоқотҳояш бо чеҳраҳои мондагори кишвар, аз ҷумла Сотим Улуғзода, Лоиқ Шералӣ, Муҳаммадҷон Шакурӣ, Абдуманнони Насриддин, Аъзам Сидқӣ ва дигарон гирд омадаанд.