Афзоиши музди миёнаи меҳнат

           Душанбе, 24.10.2014.(АМИТ «Ховар», Марзия Саидзода).- Дар зарфи 9 моҳи соли равон маҷмӯи маҳсулоти дохилии Тоҷикистон 31,6 миллиард сомонӣ ва  қисми даромади буҷаи кишвар 102,5 %-ро ташкил дод. Ин матлабро 24 октябр дар ҷараёни муҳокимаи парлумонӣ Абдусалом Қурбонов -вазири молияи ҷумҳурӣ иброз дошт. 
          Дар муҳокимаи парлумонӣ, ки он аз ҷониби Кумитаи иқтисод ва молияи палатаи поёнии Парлумони мамлакат гузаронида шуд, иҷрои Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2014» дар зарфи 9 моҳи соли равон баррасӣ гардид.
           Зикр шуд, ки назар ба ҳамин давраи соли гузашта маҷмӯи маҳсулоти дохилии кишвар 4 миллиард сомонӣ афзуда, музди миёнаи меҳнат дар ҷумҳурӣ дар давраи  моҳҳои январ- августи соли равон  815 сомониро ташкил дод, ки он нисбат ба ҳамин давраи соли 2013 -ум 11 % зиёд аст. 
      Дар муҳокимаи парлумонӣ, ки самтҳои асосии иҷрои буҷаи кишвар дар зарфи 9 моҳи соли равон ва таъмини шаффофияти он дар вазорату идораҳои кишвар  матраҳ гардид, ҳамзамон раиси Кумитаи Маҷлиси намояндагон оид ба иқтисод ва молия Сафаралӣ Раҷабов, муовини аввали раиси Кумитаи андоз Аюбҷон Солиев ва мувоини сардори Хадамоти гумруки назди ҳукумати ҷумҳурӣ Нуриддин Маҳмадов доир доир ба раванди иҷрои буҷети ҳурӣ ва истифодаи мақсадноки он дар назди вакилони Парлумон гузориш доданд. 14.53.