Мубориза бар зидди терроризм тақвият меёбад

 Душанбе, 15.10.2014.(АМИТ „Ховар“, Марзия Саидзода).-Дар назар аст, ки имрӯз, 15 октябр вакилони палатаи поёнии Парлумони Тоҷикистон дар ҷараёни ҷаласаи навбатии иҷлосияи шашуми Маҷлиси намояндагон ба лоиҳаи Қонуни Ҷумҳурии Тоҷикистон «Дар бораи мубориза бар зидди терроризм» илова ворид намоянд.
    Ҳамзамон интизор меравад, ки вакилони Парлумон  пешниҳоди Ҳукумати Ҷумҳурии Тоҷикистон дар мавриди  ворид намудани иловаҳо ба лоиҳаи Қонуни Ҷумҳурии Тоҷикистон „Дар бораи милитсия“ ва „Дар бораи мубориза бар зидди ҷинояткории муташаккилона“-ро  баррасӣ ва маъқул шуморида, қабул намоянд. 
     Ҳадаф аз ворид намудани тағйиру иловаҳо ба лоиҳаи қонунҳои мазкур, таъмини амният ва суботи давлату миллат, ҷилавгирӣ аз ҳар гуна хавфу хатарҳо ва дигар зуҳуроти номатлуби ҷаҳони муосир, инчунин мубориза бар зидди терроризм, эктремизм ва  ҷинояткории муташаккилона  аст, ки дар тӯли даҳсолаҳои охир бархе аз манотиқи ҷаҳонро ба нуқоти даргир  ва доғи сайёра табдил дода, хавфу хатарҳоро дар субот ва амнияти кишварҳо ба бор овардааст.