Мусодираи «Нақши Сулаймон» ва «Куллиёти Канз-ул-Ҳусайн»
Душанбе, 15.10.2014. (АМИТ «Ховар», Раъно Нусратуллозода).- Кормандони гумрук ҷиҳати иҷрои Қонуни Ҷумҳурии Тоҷикистон «Дар бораи озодии виҷдон ва иттиҳодияҳои динӣ» ва Қонуни Ҷумҳурии Тоҷикистон «Оид ба табъу нашр» кӯшиши ворид намудани китобҳоеро, ки мазмуни сеҳру ҷоду доранд, ба қаламрави ҷумҳурӣ бе ташхиси Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон ошкор ва пешгирӣ намуданд.
Тавре ки аз Хадамоти гумрук иттилоъ доданд, ҳангоми барасмиятдарорӣ ва бурдани назорати гумрукӣ дар гузаргоҳи сарҳадии гумрукии Панҷи Поён дар вақти азназаргузаронии бағоҷи дастии шаҳрванди Ҷумҳурии Тоҷикистон Бибишарифа Қаршибекова, сокини ноҳияи Панҷ се адад китоби динӣ дарёфт шуд. Тибқи хулосаи ташхиси давлатии диншиносӣ китобҳои гирифташуда- «Нақши Сулаймон» як адад, «Куллиёти Канз-ул-Ҳусайн» ду адад мансуб ба китоби сеҳру ҷоду буда, бар хилофи Қонуни Ҷумҳурии Тоҷикистон «Дар бораи озодии виҷдон ва иттиҳодияҳои динӣ» мебошанд.
Нисбат ба ҳолати мазкур парвандаи ҳуқуқии вайронкунии маъмурӣ оғоз шуда, тафтиш идома дорад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
