“Асрори хуфтаи водии Суғд”-филми ҷадид
Душанбе, 14.11.2014. (АМИТ “Ховар”, Зарангези Латиф).- Киностудияи Тоҷикфилм филмеро бо номи “Асрори хуфтаи водии Суғд” ба навор гирифт, ки он дар бораи урфу одатҳои мардуми дараи Яғноб дар солҳои 70- уми асри гузашта ва ҳодисаҳои мудҳиши ҳаёти мардуми ин дара дар замони муҳоҷир карданашон қисса мекунад.
Филми мазкур дар дараи Анзоби ноҳияи Айнӣ ба навор гирифта шудааст.
Нақшҳои асосии филмро Таҳмина Раҷабова, Исо Абдурашидов, Амон Қодиров, Беҳрӯзҷони Саид ва Асалбек Назриев бозидаанд.