Баррасии масъалаи рушди иқтисодиёти кишвар
Душанбе, 14.11.2014. (АМИТ «Ховар», Покизаи Шодмон ).- 13 ноябр муовини аввали вазири рушди иқтисод ва савдои Тоҷикистон Неъматҷон Бӯриев бо ҳайати Бунёди байналмилалии асъор, ки роҳбарии онро Ҷонатан Данн ба ӯҳда дорад, мулоқот анҷом дод.
Тавре ки аз Вазорати рушди иқтисод ва савдои ҷумҳурӣ ба АМИТ «Ховар» хабар доданд, ҷонибҳо дар ҷараёни мулоқот масоили рушди иҷтимоию иқтисодии кишвар тайи 9 моҳи соли 2014, ҳамчунин нишондодҳои иқтисодӣ, ҳаҷми маҷмӯи маҳсулоти дохилӣ ва сатҳи таваррумро мавриди баррасӣ қарор доданд.