1 млрд. 749 млн. сомонӣ- ҳаҷми хизмати алоқа ба аҳолӣ

 
Душанбе, 29.01.2015. (АМИТ “Ховар”, Ситораи Боймурод).- Дар соли 2014 Хадамоти алоқаи назди Ҳукумати Ҷумҳурии Тоҷикистон ва сохторҳои он саъю кӯшиши худро барои иҷрои уҳдадориҳо оид ба пешниҳод намудани хизматрасониҳои алоқа равона карданд,- гуфт Татяна Насимова, ҷонишини директори Хадамоти алоқаи назди Ҳукумати ҶТ имрӯз зимни нишасти матбуотӣ.
Гуфта мешавад, ки даромади умумии корхонаҳои Хадамоти алоқа дар якҷоягӣ бо операторон ва правайдерон мувофиқи ҳисоботҳои пешакӣ дар соли 2014 ба маблағи 2 миллиарду 674 млн. сомонӣ расонида шудааст, ки ин нишондод нисбат ба ҳамин давраи соли 2013, 1,3 фоиз зиёд аст. 
Ҳаҷми хизматрасонии алоқа ба аҳолӣ 1 миллиарду 749 млн. сомониро дар бар мегирад. Хизматрасонии алоқа ба шахсони имтиёздор аз тарафи оператори миллии алоқаи барқӣ ба маблағи 880 ҳазор сомонӣ расонида шудааст.
Шумораи кормандони корхонаҳои зерсохтори хадамот 3606 нафар буда, музди меҳнати миёнаи онҳо бо имтиёзҳо 870 сомониро ташкил менамояд.