Дурахши «Ҷоми ҷаҳонтоби Ҷомӣ» дар ТВС

Душанбе, 07.01.2015. (АМИТ «Ховар», Мукаддас Темурзода).- «Дар давраи ҳисоботӣ бахшида ба ҷашни 600-солагии Абдураҳмони Ҷомӣ барномаҳои «Ахтари адаб», «Гардиш», «Вожазори маонӣ», филми мустанади «Ҷоми ҷаҳонтоби Ҷомӣ» таҳия ва пахш гардиданд»,- изҳор намуд директори Муассисаи давлатии «Телевизиони Сафина» Лутфулло Давлатзода имрӯз, 7 январ  зимни нишасти матбуотӣ ба хабарнигорон.  
Л. Давлатзода ҳамчунин зикр намуд, ки идораи таҳия ва  дубляжи филмҳои муассиса дар ҳамкорӣ бо тарҷумонҳо, нависандагон ва кормандони Муассисаи давлатии «Телевизиони Сафина» 24 филми калонҳаҷми бадеӣ дар ҳаҷми 2400 дақиқа ё 40 соат ва 72 филми пурраҳаҷми мустанадро дар ҳаҷми 3600 дақиқа ё 60 соат аз мавзӯъҳои гуногуни ҳаёти башарӣ ва олами вуҳуш, табиат ва муҳити зист интихоб, тарҷума, дубляж ва пешкаши бинандагон гардонд.
«Ғайр аз ин, дар ин муддат кормандони бахши таҳияи филмҳои идора
филмҳои бадеии «Фасли руъё», «Сарнавишт», «Нишона», «Ҳасрат», «Бо як гул баҳор намешавад», «Орзуи рассом», новеллаҳои телевизионии «Подош», «Ашки рашк», «Ормон»-ро таҳия ва дар эфир пахш намуданд»,- афзуд Л. Давлатзода.