715 нафар мансабдор ба ҷавобгарии интизомӣ кашида шуд

Душанбе, 02.02.2015. (АМИТ «Ховар», Муқаддас Темурзода).- «Дар соли сипаригардида зиёда аз 27 ҳазору 134 нафар шаҳрванд ба мақомоти прокуратура муроҷиат намуд, ки арзи 12 ҳазору 448 нафар бевосита аз ҷониби кормандони мақомоти прокуратура баррасӣ гардида, 2 ҳазору 136 муроҷиат ва ё 17,1 фоиз оид ба қонунвайронкуниҳои ҷойдошта асоснок эътироф гардида, қонеъ гардонида шуд»,- изҳор дошт Прокурори генералии ҶТ Юсуф Раҳмонов 30 январи соли 2015 зимни нишасти матбуотӣ ба хабарнигорон.
   Юсуф Раҳмонов ҳамчунин зикр намуд, ки дар ин  давра 715 нафар шахси мансабдори давлатию ҷамъиятӣ, ки баррасии холисона ва ҳаматарафаи муроҷиатҳоро таъмин накардаанд, ба ҷавобгариҳои интизомӣ ва маъмурӣ кашида шуда, нисбат ба шахсони гунаҳкор 40 парвандаи ҷиноятӣ оғоз шуд.