«Телефони боварӣ» дар Прокуратураи генералӣ

Душанбе, 22.04.2015. (АМИТ «Ховар», Мавҷуда Анварӣ).-Бо мақсади мустаҳкам намудани робитаи аҳолӣ бо мақомоти прокуратура дар мубориза бо ҷинояткорӣ, қонуншиканиҳо, инчунин ба таври фаврӣ дастрас намудани маълумот дар бораи ҷиноятҳои тайёршаванда, содиршаванда ё содиршуда дар Прокуратураи генералии Ҷумҳурии Тоҷикистон аз 1-уми майи соли 2015 «Телефони боварӣ» таҳти рақами 235-11-11 мавриди амал қарор мегирад. 
Ба таваҷҷуҳи шаҳрвандон расонида мешавад, ки қабули муроҷиатҳо аз тариқи «Телефони боварӣ»-и Прокуратураи генералӣ дар рӯзҳои корӣ аз соати 08:00 то 17:00 ба роҳ монда мешавад.