Таъсиси 3559 ҷойи кор дар Исфара

Исфара, 15.07.2015. (АМИТ «Ховар»).-Дар давоми нимсолаи якуми соли 2015 дар шаҳру деҳоти Исфара 3559 ҷойи кор таъсис дода шуда, иҷрои нақшаи барномавӣ 127% таъмин гардид. Ба иттилои Иқбол Тешаев, сухангӯи шаҳрдори Исфара, дар ин давра баҳри ҳифзи иҷтимоии аҳолӣ низ корҳои мушаххаси зиёде анҷом дода шуд.
Аз ҷумла, дар арафаи ҷашну маросим 3200 нафар бо туҳфаҳои идона аёдату дидорбинӣ шуда, ба 241 оилаи камбизоат аз ҳисоби буҷети маҳаллӣ 41 ҳазору 300 сомонӣ маблағ ҷудо шуда, кумаки моддии яквақта расонида шуд.