Вазорати нақлиёт: корҳои сохтмонӣ дар 18 иншоот пурра иҷро шуданд

Душанбе, 30.07.2015. (АМИТ «Ховар», Лайло Тоирӣ).- “Дар амалӣ намудани лоиҳаҳои инвеститсионӣ ҳоло 1335 мутахассис, ки 76,3%-и онҳоро шаҳрвандони Тоҷикистон ташкил медиҳанд, фаъолият доранд”,- гуфт муовини аввали вазири нақлиёти Ҷумҳурии Тоҷикистон Суҳроб Мирзоев имрӯз зимни нишасти матбуотӣ.
Аз ҳисоби маблағҳои мутамарказ дар 18 иншоот ба маблағи 17,3 млн. сомонӣ корҳои сохтмони асосӣ иҷро гардиданд. 
Дар нимсолаи аввал  корҳои сохтмонӣ дар 6 иншооте, ки аз ҳисоби маблағҳои мутамаркази буҷаи ҷумҳуриявӣ бунёд шудаанд, аз ҷумла бунёди пул аз болои дарёи Ванҷоб дар шоҳроҳи Душанбе — Кӯлоб — Хоруғ — Мурғоб — Кулма (сарҳади Ҷумҳурии Халқии Хитой) ба маблағи 24,2 миллион сомонӣ бо ҷалби ширкати чинӣ анҷом дода шуданд.