Безараргардонии гурӯҳи фаромиллии нашъаҷаллоб
Душанбе, 05.08.2014 (АМИТ «Ховар»). — Сарҳади давлатии Ҷумҳурии Тоҷикистон бо Ҷумҳурии Исломии Афғонистон дар қисмати ноҳияи Ҳамадонӣ аз лиҳози релефи ҷуғрофии минтақаи мазкур басо мураккаб буда, асосан аз қамишзорҳои тулонӣ иборат аст. Аз ин ҳолат қочоқчиён истифода бурда, убури ғайриқонунии марзи давлатӣ ва қочоқи маводи мухаддирро содир менамоянд. Чунончӣ, чанде пеш ба кормандони Раёсати Кумитаи давлатии амнияти миллӣ дар вилояти Хатлон маълумот дастрас гардид, ки гурӯҳи трансмиллии нашъаҷаллоб ният дорад сарҳади давлатиро убур карда, ба ҳудуди Тоҷикистон миқдори зиёди маводи маводи мухаддир ворид созанд.
Тавре ки ба АМИТ “Ховар” итилоъ дода шуд, чанде қабл дар яке аз минтақаҳои осебпазири сарҳад ҳаракати шаш нафар сарҳадшиканони мусаллаҳ ба қайд гирифта шуд. Зимни убури ғайриқонунии сарҳад аз ҷониби қочоқчиён, задухурди шадиди мусаллаҳона ба вуҷуд омад, ки дар натиҷа роҳбари қочоқчиёни афғон Давлат валади Маҳмадмурод ва як нафар ҳамроҳи ӯ захмӣ карда шуд. Ҷинояткорони дигар бо истифода аз торикии шаб ва релефи мавзеъ ҷониби ҶИА фирор намуданд. Дар рафти азназаргузаронии ҷойи ҳодиса 3 борхалтаи полиэтиленӣ бо 47 кг. маводи мухаддир дарёфт гардид. Мувофиқи маълумоти ташхиси экспертӣ аз ин миқдор маводи мухаддир 34 кг. ҳашиш, 3 кг. афюн ва 10 кг. боқимондаро бангдона ташкил медиҳад.
Нисбат ба ҳодисаи сарҳадшиканӣ ва қочоқи маводи мухаддир парвандаи ҷиноятӣ оғоз гардида, тафтишоти пешакӣ давом дорад, — гуфта шуд дар КДАМ ҶТ.
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
