“Ҳамкории минтақавӣ” дар Душанбе

Душанбе, 18.09.2015. (АМИТ «Ховар», Фарзонаи Давлат).-Чанде пеш ҳайати низомиёни ИМА ба машқҳои “Ҳамкории минтақавӣ”, ки чорабинии ситодии калонтарини солонаю бисёрҷонибаи Фармондеҳии марказии ИМА мебошад ва дар ҳамкорӣ бо шарикони минтақавӣ аз Осиёи Марказӣ ва Ҷанубӣ гузаронда мешавад, ба шаҳри Душанбе омад 
Бино ба иттилои сафорати ИМА дар Тоҷикистон, дар чорабинии соли ҷорӣ 187 низомӣ ва ҳайати дастгирию хизматрасон аз Иёлоти Муттаҳида, Покистон ва Муғулистон ширкат хоҳанд кард ва бо шариконашон аз Вазорати мудофиаи Ҷумҳурии Тоҷикистон барои таҳкими равобит ҳангоми мусоидати ҳамкории минтақавӣ байни давлатҳои иштироккунанда ҳамкорӣ менамоянд. Машқҳо дар шаҳри Душанбе аз 16 то 24 сентябр мегузаранд.
Машқҳои “Ҳамкории минтақавӣ” ба давлатҳои иштироккунанда тавассути семинарҳои таълимӣ ва машқҳои муштараки ситодӣ ҷиҳати баланд бардоштани қобилияти сулҳҷӯёна ва омода шудан ба иштирок дар талошҳои байналмилалӣ имконият фароҳам меоварад. 
Дар боздидҳои мазкур масъалаҳои минтақавии ҷорӣ марбут ба амалиёти ҷаҳонии сулҳҷӯёна, ҳамкории амниятӣ ва мубодилаи ахбор ҳангоми гузарондани амалиёти сулҳҷӯёнае, ки талошҳои минтақавиро талаб мекунанд, баррасӣ шуданд.