Эҳтиёҷ ба муаллим дорем

Душанбе, 05.10.15. (АМИТ «Ховар»).  Имсол Рӯзи  умумиҷаҳонии  муаллим таҳти  шиори  «Эҳтиёҷ ба  муаллим  дорем» таҷлил  мешавад. Солҳои  охир Рӯзи  муаллим  дар  Тоҷикистон  бо шаъну  шавкати  махсус таҷлил  мегардад. Ин  рӯз  одатан  дар Тоҷикистон ва  кишварҳои дигари  ИДМ рӯзи  якшанбеи  аввали   моҳи  октябр  таҷлил  мешавад.
Рӯзи  шанбеи  гузашта дар  бархе    макотиби  пойтахт чорабиниҳои ботантана роҳандозӣ  шуда, иштирокдорони онҳо муаллимонро табрик  намуда,  онҳоеро  ёдовар  шуданд, ки  чандин  насли  наврасро  ба  камол  расонидаанд. Дар  ин рӯз  омӯзгорони беҳтарин  бо  ифтихорномаҳо  қадр  карда шуданд. 
Имрӯз, 5  октябр, ба ифтихори  Рӯзи  умумиҷаҳонии  муаллим  дар   Литсейи  президентии  кӯдакони лаёқатманд  дарси  кушода  дар  мавзӯи «Муаллим,  номи  туро пос  медорам…» баргузор  мешавад. 
Рӯзи  муаллим, ки  соли  1994 чун  Рӯзи  умумиҷаҳонии  муаллим  таъсис  ёфта  буд, ҳар  сол 5  октябр  дар  беш  аз 170 кишвар  таҷлил  гардида,  иди  касбии ҳамаи омӯзгорон  ва кормандони соҳаи  маориф  ба шумор  меравад.